Thursday 15 March 2012

Konkani Music

O’LUV RODRIGUES
Fresh from his recent successes, in Amsterdam and then here, upcoming singer Olavo Rodrigues a steady climber in the popularity charts, it is his ‘Konkani Pop’ that has really caught the pulse of the younger crowd. Here is a vocalist who works hard to bring in the crowds. Progressively improving, and constantly re-inventing, the man has us humming his tunes and will probably be doing so for the coming generation too. Olavo’s last performance at the ‘Rain or Shine, Konkani Rocks’ concert in Panaji was a huge success where belted out hits got the crowds lively, and singing along in high spirits.  Prior to that it was another big triumph at the ‘International Jazz Festival’, Amsterdam where a 2000 strong crowd made of locals and Goans from all over Europe were charmed by the singer kicking off in a Dutch song. It was a tribute show to music legend ‘Chris Perry’ on September 27 and 29 followed by travel to Doha for another gig “World Goa Day 2011”. From then on it is a regular stream of work until Amsterdam again next year for the 2012 jazz festival. Olavo Rodriguez (also known as O’luv), a name synonymous with Konkani pop, is also the pioneer of pop music in Goa. Discovered by the celebrated late Chris Perry, O’luv knew he was meant to be a musician from an early age. He started singing at local competitions at a tender age of seven and his quest for performing with a winning streak was never diminished. O’luv participated in various Singing Competitions until senior Goan tiatrist Alfred Rose, organized a competition where O’luv won the opportunity to lend his voice for Rose’s album but the album was shelved for unknown reasons and by the time he was called upon for the album’s production, O’luv had already moved on to greater avenues by doing albums produced by M/s Dinfa Productions and performing at popular musical shows. Renowned Chris Perry had organized a talent contest where O’luv bagged the winner’s trophy and was offered a chance to sing in Chris Perry’s upcoming album as well as to perform at his live shows across Goa. This boosted O’luv’s morale and he continued to perform for audiences while honing his singing and guitar playing skills under the torch of the great musician Perry himself. O’luv stands apart from the other range of musicians in Goa with his ability to make sweet music from a self-made contraption, a combination of a mere comb and a piece of paper. The sound that emerges bears an uncanny resemblance to that of a saxophone. This is O’luv’s signature move to enthrall the audience and is an instant and distinct crowd stunner. His first professional album ‘Poilo Kiss’ produced by Chris Perry propelled him to the topmost category of Goan singers and all his songs were instant hits. His very first pop album ‘Kor Kantar’ produced by Jess Louis catapulted him to greater heights and his songs would regularly broadcasted all over the radio. This also gave him the momentum to perform at the International Film Festival of India (IFFI) in 2004 and the Food Festival, both events held in Goa. After Kor Kantar, there was no looking back for this Wonder Boy and he went on to do more amazing works such as Hey Hey Moga, Feliz Natal, Ooh Vah Veh and the recent Baby You’re My Love, having had the privilege to work with legendary greats like Lorna, Sudesh Bhosle and Sadhana Sargam. Musicians of international repute have acclaimed his albums including well-known members of the Bollywood fraternity. In his article in the Navhind Times- Goa’s local daily, talented tiatrist and journalist John Gomes quoted that O’luv is Chinchinim’s precious gift to the Konkani stage’. In 2007, he also featured in his first Bollywood venture “Damaad Ke Intezaar Mein” and worked as the lead protagonist playback singer. In addition, he recorded the theme for the Asia-Pacific Conference on pro-life titled ‘Hail Human Life’, which was praised by domestic and international delegates alike. April 2010 saw the change in avatar for O’luv and he performed his first live pop show in Margao. Seen as one of Goa’s greatest Pop Artists, O’luv is an inspiration to the new wave of pop artists emerging out of Goa. This honor and tribute, however, has humbled him and he continues to train under Joaquim D’Souza till date.












http://issuu.com/silvestremachado/docs/oluv_indo_portuguese_global_magazine_e
http://issuu.com/silvestremachado/docs/oluv_indo_portuguese_global_magazine_e












Wednesday 7 March 2012

Goinkars Own Academy (GOA's) Initiatives

KHURSACHI VATT


XRIXTTICHER ADARLOLI KHURSACHI VATT

Vixoy: Xrixtticho Samball Korum-ia, Amcher Yetole Sonkoxtt
Vattavum-ia.

Survatechim Utram:
Getsemani mhonnlelea molleant Jezu Aplea xisam borobor gelo ani tankam mhonnlem: “Ho- thõy vochun Hanv magnnem kori-sor tumi hanga bosat.” Ani tankam thõy soddun ani matso fuddem vochun dhornir sorpottun Aple veli hi ghoddi zata zalear pois vochum di mhonn magtalo.
Jezuchea jivitachim panam ami uspilear, Jezu zaite pavtti eksure suvater vochun Aplea Bapak magnnem korta, Aplea Bapa lagim uloyta, ogeponnim Aplo vell aplea Bapa sangata sarta. Oxem amkam mellta.
Xrixtti zaun asa Devachea mogachi rochnna. Devan mon’xa khatir ti rochlea. Mon’xak ticher doniponn dilam. Xrixttiche xant-xitoll vatavoronnant Devachem asnnem amkam mellta. Jezun Xrixtticho vapor korun Devachea Rajache gutt amkam ugddape kele. Dekhun xrixtti velean zaitem xikunk ami pavtanv oxem mhonnlear chukichem zaunchem nam.
Aiz monis tech xrixtticho durupyog korun, xrixttichem rup bodlun, xrixttichi sobitay vibaddun, vhodd chukh korta ani apleacheruch moronn haddta. Je toren ami xrixtti sovem vagtanv tech toren xrixtti amchea kornneacho zobab amkam dita.
Ami amche xrixtticho kitlo mog kortanv kai? Xrixtticho samball korunk ami vavurtanv kai? Aiz xrixtti roddta, nhoy aplech khatir punn odik korun amche khatir. Xrixttik amchi chodd goroz na punn amkam xrixttichi chodd goroz asa. Hench ami he khursache vattent niallteleanv. Xitaben ani ugtea monan he khursache vattent vantto gheum-ia.

POILEM STHAN: Jezucher mornnachem formonn martat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Mt 27, 22-24
Pilatan Jezuk tanche fuddem vhelo ani mhonnlem: “Krist mhonntat tea Jezuk hanvem kitem korchem?” Soglleamnim zobab dilo: “Taka khursar marcho”. Punn Pilatan mhonnlem: “Tor kiteak? Tannem kitem vaitt kelam?” Punn te odik vhoddlean bob marunk lagle: “Taka khursar marcho” Tednam aplem kainch cholonam, punn odik-odik uchambollay  zata mhonn polleun, Pilatan udok haddunk laun, loka hujir hat dhule ani mhonnllem: “Hea mon’xachea rogta vixim hanv guneanvkari nhoy. Tumich polleyat”.

Niall:
Udok: Udkachi amkam soglleank chodd goroz. Udka viret amchean hea sonvsarant jiyeunk zaina. Dor disak ami udkacho zaite toren vapor kortanv. Udka vorvim amkam novem jivit favo zata. Zaitea ganvanim sarkem udok na zaun, lok udka vinnem koxttovtat. Kitlech xetkam’ti, pikavoll utpon korunk udkacho thembo na zaun aplo jiv sompoytat. Devache kurpen amkam zaitem udok asa. Hem udok samballunk ami kosle upay ghetanv kai? Aiz zaitea karannank lagun ani amche bezababdarek lagun udok produxit (pollute) zait veta. Amkanch mal tem.

Magnnem:
Mogalla Jezu, udkachi amkam chodd goroz, punn ami kednanch udkacho valor korunk nam. Amkam zai toxem ami udok vapurlam. Tujench amkam tem ek funkott dennem, punn udok samballunk ani tacho favo te porim vapor korunk ami visorleanv. Amkam bhogos Saiba. Xrixtticho samball korunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

DUSREM STHAN: Jezuchea khandar khuris ghaltat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Mt 7, 15-19
Fottkirea bhaknnaram vixim chotrayen ravat, menddreanchem rup gheun tumche-xim yetat, punn bhitorlean krur landdge te. Tanchim follam polleun tumi tankam ollkhotelint. Kantterincheo dako ani sorantteanchim anjiram konnem kaddlim-xim asat? Tech bhaxen, borem zhadd borim follam dita ani vaitt zhadd vaitt follam dita. Borea zhaddachean vaitt follam dium nozo, nhoy mhonn vaitt zhaddachean borim follam dium nozo. Borem foll dinam toslem zhadd katortat ani ujeant uddoytat.


Niall:
Zhaddam: Amche sorbhovtim nodor marlear zaite bhaxechim zhaddam amkam dixtti poddtat. Zhaddam amkam zaitim upyogachim. Zhaddancho amkam zaito  faido asa. Zhaddam vorvim amkam khavunk follam melltat. Amchem ghor ami bandtanv, amkam prannvay (oxygen) mellta.  Thoddim zhaddam prodhuxonnacher tabo dovortat. Aiz zaite monis, menddreanchem rupnnem ghalun, zhaddam katrun vhoddleo vhoddleo imaroti bandunk sodtat. Udorgot, sudarop korunk sodtat punn udorgotiche vattent aminch amchim nisonntonnachim pavlam martanv. Ek zhadd vaddunk kitlech mhoine, kitlinch vorsam vetat. Ek zhadd katrun ek novem zadd rovunk pasun ami sodinant. Zhaddam nastana amchean jivunk zait kai? Zhaddam katrun ami amcheach mornnacho khuris toyar kortanv.

Magnnem:
Mogalla Jezu, duddvanche axek lagun, apleponnachea faideak lagun, Tunvem rochlolea zhaddank kuradd ghalun, dongor katrun, ami ‘konkrettachim jonglam’ (concret jungles) bandun haddleant. Zhaddam katrun novim zhaddam ami launk nant. Hem zaun asa amchem vaittovem jivit ani amchim vaitttovim follam. Amkam bhogos Saiba. Xrixtti vorvim Tujem asnnem onnbhovunk ami pavoxim kor.

Fuddari: Kaklut amchi kor Somia.
Sogllim: Kaklut amchi kor.

TISREM STHAN: Jezu poile pavtt dhornir poddta.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Ut 1, 9-12
Devan mhonnlem: “Ontrolla sokoilim udkam eke svater zoma zaum ani suki zomin dixtti poddum!” Ani toxench zalem. Suke zomnik “prithvi” ani zoma zal’lea udkak “som’dir” mhonn Devan nanv dilem. Hem sogllem Devak borem dislem. Devan mhonnlem: “Zom’nir vonospoti utpon zaum: biam-ditim zhaddam, ani bim-aslolea follanche rukh zom’nir utpon zaum!” Ani toxench zalem. Zom’nir vonospoti utpon keli: jin’sam-bhaxechim biam-ditim zhaddam zalim ani toxench jin’sam-bhaxeche, bim-aslolim follam-dite, rukh zale. Hem sogllem Devak borem dislem.


Niall:
Zomin: Zomin amkam pikavoll utponn korta. Devan zomin rochun, jinsavar torechi vonospoti utpon keli. Zomnir, jinsavar torechi vonospoti rovun ami amchea pottachi bhuk martanv. Bori zomin aslear bori pikavoll amkam mellta. Aiz, ami bori pikavoll ditoli zomin oxich padd soddun dilea. Konnuch matient aple hat ghalun zomin kosunk sodinant. Xetam rovpachi soddun dileant. Xetam puroun ami vhoddleo vhoddleo imaroti bandtanv. Aiz mhargayek lagun ami bovall kortanv. Oxe toren bori zomin ami padd keli zalear, ami zom’nir vonospoti rovpachi soddun dili zalear amcho Fuddar kitem kai?
Magnnem:
Mogalla Jezu, zomnitlem utpon korun khavunk Tunvem amkam bori pikavoll ditoli zomin dili. Punn ti ami oxich padd soddlea. Xetam rovpachim ami soddun dileant. Duddvanche axek lagun xetam puroun vhoddleo vhoddleo imaroti bandunk, ‘buildarank’ zomin viklea. Amkam bhogos Saiba. Xrixtticho mog korunk amkam xikoy, Jezu.
Fuddari: Kaklut amchi kor Somia.
Sogllim: Kaklut amchi kor.
                                                                                      
CHOVTEM STHAN: Jezu Aple Avoyk mellta.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Lk 2, 41-46
Tachim avoy-bapuy vorsachea-vorsa Paskanche porbek Jeruzaleak vetalim. Ani To bara vorsancho zalo tednam tim porbek sodanche bhaxen Jeruzaleak gelim, ani porbeche dis sorlea uprant, portun yetalim tednam, avoy-bapayk kollo nastanam bhurgo Jezu Jeruzaleant pattim ravlo. Punn To vattecheam sangateam bori astolo mhonn somzun, tim ek disachi vatt cholun ailim ani soiream-dhaiream ani ollkhinchea loka modem Taka sodlo; To mellonam zatoch taka sodit-sodit portun Jeruzaleak gelim. Ani tin disam uprant xastream modem bosun tanchem aikun ani tankam vichar korun also to so mell’llo.
Niall:
Matr-bhũy: Amche Matr-bhũyer ami zolm ghetanv. Matr-bhũyer ami ghor bandun, biradd korun ravtanv. Matr-bhũyer pikavoll utpon korun khatanv. Aiz zaitea karannak ani poristhitink lagun, amchi matr-bhũy ami soddun bhailea desanim vetanv. Bhailea desanim pennem korun ravtanv. Amche matr-bhũyek ami oxich fottkireanchea, nagovnneanchea hatant soddlea. Jezu Dev mon’dirant sanddta tednam khonti huske kaddun Maria Maim Taka sodunk veta. Aiz amche matr-bhũyek  ami oxich sanddlea. “Gõyant ravun kitem mellta” oxem zaite tornnatte mhonntat. Amchea Gõyant zaiti girestkay asa. Fokot ami vaur korunk zai, koxtt kaddunk zai, ani amche matr-bhũyecho samball korunk zai.

Magnnem:
Mogalla Jezu, ami amchea khaxa zolm dilole avoiche koxtt visorleanv. Tika ami zaitem dukh dilam. Toxench amche matr-bhũyek oxich soddun diun tika ami okman kela. Amkam bhogos Saiba. Xrixtticho ulo aikun, amchi xrixtti rakhunk amkam adhar di.

Fuddari: Kaklut amchi kor Somia.
Sogllim: Kaklut amchi kor.

PANCHVEM STHAN: Jezuk khuris vhorunk adhar mellta.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Mt 13, 24-30
Tannem anink ek vopar tankam ghali: “Aplea xetant borem bim vomplelea eka mon’xa porim Sorginchem Raj. Soglle nhidlele astanam, tacho dusman ailo, tannem gonvam modem ner vomplo ani to gelo. Xet vaddun konnsam yetoch, ner-ui dixtti poddlo. Ghorkaracheam vavraddeamnim tache sorxim yeun oxem mhonnlem: ‘Dhonia, tujea xetant tunvem borem bim vomplelem nhoy? Tor tantunt ner khõycho ailo? Tannem oxi tankam zap dili: ‘Hem dusmanan kelelem kam’. Chakramnim taka vicharlem: ‘Ami vochun xet noddlelem tuka zai?’ Tannem zobab dilo: ‘Naka; ner umttitanam; ghoddiek tumi tea borobor gonv-ui umttixat. Lunvnni ye-sor don-ui borobor vaddum-di; ani lunvtit tednam, poilo ner ektthaim korun, ujeak launche khatir, tachim penddkulam bandat; magir gonv mhojea koddeant bhorat mhonn hanv lunvteleank sangtolom’.”

Niall:
Krantikari: Zaite monis nera bhaxen, Devan rochlole xrixtticher akromonn kortat. Devan Aplea mogan rochlole xrixtticho samball korunk, aiz zaite monis aplo tallo ubhartat. Fuddle pillgek amchem Gõy samballun dovrunk zaite monis rosteacher yeun nare ghaltat. Ami kitlea zannanim, amchi xrixtti samballunk oslea mon’xank pattimbo dila kai? “Konn vetolo tea gram’ sobhechea zomatink, amkam kamam nant?” Oxem mhonnun ami zomatinim vochunk nant.
Ami amchi xrixtti zor samballunk vavrinant zalear, amkanch luksann tem.  Bhiranten ami amchea dollea mukhar zatolem xrixttichem nisonntton ogich ravun polletanv. Ek dis hich bhirant amkam marun uddoytoli. Hich bhirant amkam amcho mornnacho kaxanv toyar kortoli.

Magnnem:
Mogalla Jezu, Amchea apsuvarthak lagun, Tunvem amkam favo kel’lem soimbik dennem ami ogddaytanv. Dor disak hea soimbik denneachem nisonntton zata tem ami amchea dolleanim palletanv, punn bhiranten ami amchem tondd bond dovorlam. Toxench amchi xrixtti rakhunk fuddem sortat tankam-i ami pattimbo diunk na. Amkam bhogos Saiba. Xrixttichi sobitay samballunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

SOVEM STHAN: Veronika Jezuchem mukhamoll pusta.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem uotr: Ut 2, 4-7
Tednam Sorvespora Devan prithum’ ani ontrall rochlim. Prithumer koslinch ran’votti jhilkuttam naslim ani zom’nir koslench tonn kirlunk naslem kiteak Sorvespora Devan prithumer paus dhaddunk nalso ani xetkamot korunk monis-ui naslo. Punn prithumentlo ek vhall voir sortalo ani prithumechi soglli zomin ximptalo. Tedna sorvespora Devan zom’niveli mati gheun mon’xak kelo ani Tannem tachea nakachea puddamnim jivitacho svas ghalo ani oso monis ek jivo pranni zalo.

Niall: 
Varo: Svas gheunk amkam soglleank nitoll varo gorjecho. Svas gheunk nitoll varo na tor amchech bhitor ami koxttovunk lagtanv. Amkam zaite torenchi pidda zaunk pavtat. Veg-veglle karkanne ani motoram variant vikari dhunvor soddun varem produxit kortat. Oxem toren ami varem mell’lem korun amcheach jivak nuksann haddpache vatter vetanv.


Magnnem:
Mogalla Jezu, varo amkam gorjecho, punn disan dis ho varo ami produxit korit vetanv. Amkanch lagun, amcheach vaitt kortubank lagun amkam zaitim duiensam zatat. Oslea vellar Tujer ami xinn kela. Tuka ami guneavkari kela. Amkam bhogos Saiba. Xrixtti sovem mogachem natem bandun haddunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

SATVEM STHAN: Jezu dusre pavtt dhornir poddta.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Lk 12, 16-21
Magir Tannem tankam ek vopar sangli: “Ek girest monis also ani tachea xetam-bhattank khup pik zalem tednam to aplech bhitor chintunk laglo: ‘Mhozo pik-paddo bhorun dovrunk mhoje lagim zago nam. Hanvem kitem korchem?’ ani tannem mhonnlem: ‘Oxem kortolom: Mhoje kodde moddun, tache-kui vhoddle bandtolom ani mhaka piklam titlem-i ani mhoji girestkay tantunt bhorun dovortolom. Magir mhojea jivak oxem mhonnttolom: Jiva mhojea, sobar vorsank puro-so khup mhal tuje adhin asa; visov ghe, kha-piye ani mouz mar’. Punn Devan taka mhonnlem ‘Pixea, aiz rati tuzo otmo porot magcho asa. Mhonnttoch tunvem toyar korun dovorlam tem konnank?’ Apnnank theve ekthaim korta, punn Deva mukhar girest zaunk nam, tachi got hi”.

Niall:
Monisponn: Mon’xacher nodor marlear monis aplem monisponn visorla xem dista. Aiz monis aplench chint’ta. Apleponnan bhorun, aple sorbhonvtim fatranchim durgam ubharta. “Mhojem bhatt, hanvem mhojea duddvamnim viktem ghetlam, hanvem taka mhojea bhattantlean kiteak vatt diunchi”? Oxe toren ek xezari dusrea xezarea kodden zhogoddta. Bhattak lagun zogddop, vattek lagun zogddop. Oxe toren ami Deva mhukar ani mon’xam mhukar khala poddtanv.




Magnnem:
Mogalla Jezu, monisponnachea natean amchem jivit bandun haddunk Tum amkam apoita, punn amche modem ami fatranchim durgam ubim keleant. Amkam bhogos Saiba. Xrixtticho boro upeog korunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

ATTHVEM STHAN: Jeruzaleachea ostoreank Jezu bhuzvonn dita.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Lk 12, 22-24
Ani Tannem Aplea xisank mhonnlem: “Dekhunuch Hanv tumkam sangtam: Jiva khatir jevchem-khavchem, vo kuddi khatir kitem neschem-pangurchem, te vixim huskeum nakat. Jevnna poros jiv ani nhesnna poros kudd vorti. Kavlleancher barkayen nodor marat; te vompinant vo lunvinant ani tanche lagim kodde ani orov dovorche zage nant; tori Dev tankam posta. Tanche-von kitlea odik molache nhoy tor tumi!

Niall:
Mon’xachi as: Mon’xache axek xim’ ani mer na. Mon’xak as duddvanchi, vostunchi, kuddichi. Hi apli as bhagounk, monis vaitt pavlam marta, xrixtticho durupyog korta. Aplea kallza-monachi xanti vibaddta. Amchea xezarean kosli novi vost haddli zalear, amkam rokddich tanchi nosay zata ani te vostuchi amkam as zata. Axek lagun monis aplem monisponn pasun visorta ani zonvaram porim vagta. Bhattam-besanche axek lagun rogtache bhav-bhav zhogoddtat. Duddvanche axek lagun, monis dusrea mon’xak jivexim marta. Kuddiche axek lagun ostoreancher bholotkar vaddot asat.

Magnnem:
Mogalla Jezu, duddvanche, vostunche, kuddiche axek lagun ami amchem monisponn visorleanv. Xrixtticho ami durupyog kela. Amkam bhogos Saiba. Xrixtticho samball korunk amkam xikoy.

Fuddari: Kaklut amchi kor Somia.
Sogllim: Kaklut amchi kor.
NOVEM STHAN: Jezu tisre pavtt dhornir xevttota.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Ut 2, 8-9. 15-17
Sorvespora Devan voikuttant Udenti vatten ek bag lailoli, tantunt Tannem Apnnem rochlolea mon’xak ghalo. Sorvespora Devan zom’nintlim tore-torechim, polleunk sobit ani khaunk ruchik, zhaddam kirlo-xim kelim; tea bhair, bage modekot, jivit-dito rukh ani toxench borea ani vaittachi zannvay dito rukh. Zomin rovunk ani ticho poramos korunk, Sorvespora Devan mon’xak tea voinkuttache bagent ghalo. Tedna Sorvespora Devan, mon’xak adnia ghali, mhonnun: “Bagent aslolea sogllea rukhanchim follam tujean khaunk yetat, punn borea ani vaittachi zannvay ditea rukhachem foll mat khaum noye. Kiteak tem khaxi tea disak tum mortolo.

Niall:
Koir: “Prithum’ xinvraun poddloli koirachi ras nhoy, punn Rochnnarachem dan koxem amche adhin ti asa”, oxem Pap Saib Benedict XVI mhonntta. ‘Prithum’ ek sobit bag koxi Devan amkam favo kelea. Aiz he bagent nodor marlear, vochot thõysor amkam kochreacheo raxi distat. Hi Devachi sobit bag ami mhelloytanv.  Konnuch aplea kochreachi zababdari gheunk sodina. Choryam aplo kochro vhorun xezareachea durgant uddoytat na tor ukte suvater vhorun uddoytat, ani suvat mhelli kortat. Aiz kochreak lagun zaito bovall ani vadh-vivadh chol’la. Amchoch kochro to, amchech bholaikek mal poddta. Punn ho kochro unno korunk ami koslech upay ghenant. Hanv mhaka ani Dev somestank osli got amchi zalea.

Magnnem:
Somia Jezu, disan dis amcho kochro vaddot asa. Ho kochro unno korunk ami koslech upai ghenant. Hanga thõy kochro uddoun, ami ghann kortanv.Tuji xrixtti ami bhoxttaytanv. Amkam bhogos Saiba. Xrixtti samballunk bore te upay gheunk amkam xikoy.

Fuddari: Kaklut amchi kor Somia.
Sogllim: Kaklut amchi kor.



DHAVEM STHAN: Jezuk vingllo kortat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: D.I. 9, 3-6
Damaskache vatter xara lagim pavtam-pavtam avchit tache sorbhonvtim sorga velo uzvadd porzoll’lo. To dhornir xevttolo ani tednam tannem ek tallo aikolo. To taka oxem mhonntalo: “Saulu, Saulu, kiteak mhonn tum Mhaka piddapidd dita?” Tannem vicharlem: “Tum konn, Saiba?” Tallean zap dili: “Hanv Jezu, ani Mhakach tum dhumallo dita. Atam utth ani xarant voch ani tunvem kitem korunk zai tem tuka sangtele”.

Niall:
Min Kaddop: Devan amchem Gõy sabar denneanim bhorlam. Ani chitnam vorte sobitayen nettoylam. Amchem Gõy soimbik girestkayen bhorlolem asam. Amchea dongramni minachi girestkay liploli asa. Hi girestkay kaddun ekach disak girest zaunk monis dis rat he dongor khonddta,  zhaddam, dongor khatrun uddoyta. Devan rochloli sobitay vibaddta. “Amchea ganvant min na. Amche dongor khatrunk nant.” Oxem mhonnun ami ogich ravtanv. Amkam soglleank mal tem. Xrixtticher akromonn korun, xrixtticho vidvas korun ami Jezuk dukhoytanv. Jezu amkam oslea prosonga vellar oxem mhonnta, “Kiteak mhonn tumi mhaka piddapid ditat?

Magnnem:
Mogalla Jezu, zhaddam, dongor katrun, Tunvem nettoylolem amchem sobit Gõy ami vingllem kortanv. Sonkoxttachim lharam amcher ubim zaunche adinch, xrixtticho samball korunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

IKRAVEM STHAN: Jezuk khursar khillaytat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.


Devachem Utor: Jn 19, 17-18. 25-27
Aplo khuris gheun Kott’tteanchea mhonnlelea zagear pavtoch, Taka ani Tache borobor anik dogank tannim khursar khillayle: Jezuk modem ani team dogank Tache ek-eke kuxik. Jezuchea khursa-xim Tachi avoy, Tache avoychi bhoinn Kleofasachi potinn Maria, ani Magdalachi Maria, heo ubeo asleo. Aple avoyk ani tiche kuxik aslelea mogachea xisak polleun, Jezun avoyk mhonnlem: Ostore, ho tuzo put” Uprant xisak mhonnlem: “Hi tuji avoy”. Ani tea vellar thaun xisan tika apnnachi mhonn ghetli.

Naill:
Bhirankull Vadoll-modd ani tufan: Zoxi Jezun Aple avoyk xisachi avoy korun dili toxench Devan apnnem rochloli xrixtti amchea hatant ghatlea. Vaddat ani choddat ani prithum’ bhorat ani xrixtticho samball korat. Punn xrixtticho samball korunk ami visorleanv. Aiz khoinchea-i vellar mon’xak kollonastanam vadoll-modd ani tufan zatat. Monis aplea kamant gul’l astanam okosmat bhũykamp ani tsunami zata ani monis thõych morun veta. Buddti yeun kitloch lok aplem ghordar na zaun hanga thõy ximpoddla. Xrixtti koddlean boreponn gheunk xrixtti sovem boreponnachem natem zoddum-ia.

Magnnem:
Mogalla Jezu, Xrixtti sovem mogachem natem zoddun, xrixtticho mog korun, xrixtti amchi samballunk Tunch amkam Tuzo adar di, Jezu.

Fuddari: Kaklut amchi kor Somia.
Sogllim: Kaklut amchi kor.

BARAVEM STHAN: Jezu khursar morta.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Mt 27, 45- 46, 50
Don’par thaun tin vazo porian sogllea desacher kallokh poddlo ani sumar tin vaztam Jezun vhoir nodor marun vhoddlea tallean mhonnlem: “ Eli, Eli, lemma sabakthani”, mhonnge “Deva Mhojea, Deva Mhojea, kiteak Tunvem Mhaka sanddlo?” Ani Jezun vhoddlean arddun prann soddlo.


Niall:
Mollob: Voir mollbar nodor marlear amkam kupam, surya, chondrim’, noketram distat. Surya disacho amcher aplim kirnnam fakoyta zalear chondrim’ ratchea vellar amkam uzvaddacho divo zata.
Aiz ‘global warming’ ani her karannak lagun, soimbachem vatavoronn bodol’lam. Ghorantlo bhair sorlear kitlo votacho tap, amchem ang bhazta koxem dista. Khoichea vellar nitoll mollbar kallim kupam yetat ani pavs poddta. Aiz pavs legun poddlo zalear kitli gormi zata. Hem sogllem amkanch lagun, amchech bezababdarek lagun, aminch nirmann kel’lea vikari vayuk (gases) lagun zata.

Magnnem:
Mogalla Jezu, xrixtti sovem ami bezababdari dakhoun, amcheach jivitant ami askar suskar, vilap soddtanv. Tuje xrixttichi rakhonn korunk amkam zababdarechim mon’xam kor.

Fuddari: Kaklut amchi kor Somia.
Sogllim: Kaklut amchi kor.

TERAVEM STHAN: Jezuk khursavoilo denvoytat ani Tache maimchea gopant ghaltat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Sutt 3, 2-5
Thõy Sorvesporacho dut eka jhilkuttantlean eka ujeachea agtteachea rupan taka dixtti poddlo. Jhilkuttak uzo pettlolo punn tem lasonaslem. Moizesan mhollem, ‘Hem koslem dorxon ani tem jhilkutt kiteak lasona tem hanv vochon polletolom.’ Moizes tem polleunk lagim sorta to Sorvesporan pollelo ani jhilkutta modem ravun mhonnlem, ‘Moizes, Moizes!’ Moizesan zap dili, ‘Ho polle asam.’ Devan taka mhollem,‘Hanga lagim soronaka,Tujea pãyancheo vhanno kadd, kiteak tum asa to zogo povitr.’

Niall:
Devachem asnnem: Dev mon’xam lagim zaitea bhasanim uloyta. Bhov korun Apnnem rochlole xrixtti vorvim. Dev Aple xrixtti vorvim hajir zaun aplea mogachi, podvechi, bhogsonneachi khobor sangta. Xristti aplea Rochnnara vixim govayki dita, ani Devachea asnneacho amkam puravo dita. Ami-i Devachi rochnna. Devan amkam-i rochleant. Deva vixim ami kitem sangtanv kai? Deva vixim ami kosli govayk ditanv kai? Khorench xrixtti vorvim ami Devachem asnnem onnbhovtanv kai? Vo Xrixttichem rup bodlun, xrixtticho nas korun ami Devak dukhoytanv kai?

Magnnem:
Kakutsara Jezu, xrixtti vorvim Tum amchem modem hajir asai. Xrixti Vorvim Tujem asnnem onnbhovunk ani xrixtticho samball korunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

CHOVDAVEM STHAN: Jezuk fonddant nikhipitat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Lk 23, 50-53
Tednam Judeyachea Arimateya nograntlo Juze nanvacho ek monis also; to budvontantlo eklo, boro ani satvik monis; tannem tanche moslotik ani kortubank apli koblat dilinam; to-i Devachea Rajeachi vatt polleun also. Tannem Pilataxim vochun Jezuchi kudd magli; ani ti denvoun eke olin revddayli ani tethun-ver konnakuch dovorlonam toslea kantoylelea fonddant Taka nikhipilo.

Niall:
Moronn: Moronn amkam konnakuch chukona. Sogllim ami ek dis mortelanv. Kednam amcher moronn yet’lem?  khoichea vellar yet’lem?  Ani koxem yet’lem? tem amkam konnank khobor na. Ami melim mhonntoch, amche borobor ami kainch ek gheun vochonant. Fokt amchi kudd ximiterint vhorun fonddant ghaltat. Aiz monis vhoddponnan bhorun xrixtticher aplem dhoniponn cholounk sodta. Soimbacher add veta. Monis vhoddponan bhorun apunn dhul ani mati mhonn visorta.
Zoxem amakm ravunk ami vhodd ghor bandun, tem ghor bore toren nettoytanv, toxench amcho otmo ami sorginchea Rajeant samballun dovrunk, to ami nitoll ani nirmoll samballunk zai. Amcho otmo amchean nattak korunk zainam. Amchi kudd nettounk ami sabar vostumcho vapor kortanv tech bhaxen amcho otmo Povitr dovrunk ami magnneant vell sarunk, Misa bhettent xitaben vantto gheunk, otmeachea ani kuddichea faiddeacheo doyalleo kornneo jivitant pallunk ani borim totvam jieunk goroz.
Magnnem:
Mogalla Jezu, vhoddponnan bhorun mon’xancher ani Tuje xrixtticher doniponn cholounk ami sodlam. Amkam bhogos. Lhanvikayen jiyeunk, mon’xak ani xrixttik man diunk amkam xikoy.

Fuddari: Kaklut amchi kor Somia.
Sogllim: Kaklut amchi kor.

Xevottachem Magnnem:
Mogalla Jezu, amcheach patkachea gulam’ponnantlim amkam soddounk Tuka zaite  koxtt sõsche poddle. Amkanch lagun, amcheach vaitt kortubank lagun, amchea apsuvarthiponnank lagun, axek lagun, apleponnank lagun, amcher yetole sonkoxtt, bhirankull vaddoll moddam, vattaunk ami he khursache vattent xrixtticher niall kela. Xrixtti amkam Tujem mogachem dan. Xrixtti vinnem amchean jiyeunk zaina. Xrixttichi amkam chodd goroz. Xrixttik amchi chodd goroz nhoy punn amkam xrixttichi chodd goroz hem ami ollkhun gheun, amchea jivitachi chal bodlun, xrixtti sovem ami mogachem natem bandun haddun, xrixtticho samball korunk amkam Tuzo adar di.

Pap Saibachea Sonkolpam Pasot:
Amchea Baba…….
Noman Morie…….
Mhoima Bapak…...